Күре жолдар жабылды: Қазақстанның 16 облысында дауылды ескерту жарияланды

6 ақпанда таңертең бірқатар автожолдарда қозғалысқа шектеу енгізілгені белгілі болды, деп хабарлайды Orda.kz.       

Қарағанды облысы Төтенше жағдайлар департаменті мен  «ҚазАвтоЖол» АҚ республикалық маңызы бар автожолдардың алты учаскесінде барлық көлік түрлері үшін қозғалыс толық жабылғанын мәлімдеді: 

• «Астана – Қабанбай батыр – Нұра – Теміртау» (51–101 шқ, Ақмола облысы шекарасы – Нұра кенті);
•  «Қызылорда – Жезқазған – Қарағанды – Шідерті» (788–906 шқ, Топар кенті – Ұлытау облысы шекарасы); 
• «Қызылорда – Жезқазған – Қарағанды – Шідерті» (970–1135 шқ, Қарағанды қаласы – Павлодар облысы шекарасы); 
• «Қарағанды – Аягөз – Тарбағатай – Боғас» (17–217 шқ, Қарағанды қаласы – Қарқаралы қаласы); 
• «Астана – Қарағанды (айналма жолмен) – Алматы» (248–592 шқ, Атамекен кенті – Балқаш қаласы); 
• «Астана – Қарағанды (айналма жолмен) – Алматы» (164–198 шқ, Теміртау қаласындағы бақылау-өткізу бекеті – Қарағанды қаласы). 

«Қарағанды облысы Төтенше жағдайлар департаменті өңір тұрғындары мен қонақтарына мамандар ұсынымын қатаң сақтауға, сақ болуға, ауа райы өзгерістері мен енгізіліп жатқан шектеулер туралы ақпаратты үнемі қадағалап отыруға кеңес береді» деп жазылған хабарламада. 

Сондай-ақ,  қажеттілік болмаған жағдайда елді мекендерден ұзамау және жолға шықпау сұралады.

Барлық оқиғалар мен төтенше жағдайлар туралы 112 нөміріне хабарласыңыздар, деп сұрады ТЖД өкілдері жүргізушілер мен жолаушылардан. 

 Оқи отырыңыз:

• Ертең елорда оқушылары көктайғаққа байланысты қашықтан оқиды
• Қызылқайраттағы қанды оқиға: Адам өлімі мен бала ұрлау, тергеушілердің ісі сотқа өтті
• Масамен күреске 13,6 млрд теңге бөлінбек: Павлодар облысы әкімдігі бұған не дейді?