Криштиану Роналду жаңа футбол рекордын орнатты

Атақты футболшы, бүгінде «Аль-Наср» шабуылшысы Сауд Арабиясы Про-Лигасының жетінші турындағы «Аш-Шабаб» клубымен өткен матчта рекордтық 907-голын соқты, деп хабарлайды Orda.kz «Чемпионатқа» сілтеме жасап.

Роналду ресми матчтарда осынша гол соққан тарихтағы алғашқы футболшы болды. Ол Форвард «Спортинг» үшін бес, «Манчестер Юнайтед» үшін 145, «Реал» үшін 450, «Ювентус» үшін 101, «Аль Наср» үшін 73 және ұлттық құрама үшін 133 гол соқты.

Бүгінде шабуылшы футбол тарихындағы, ұлттық құрамалардағы, Еуропа чемпионатында, Чемпиондар лигасында және клубтар арасындағы әлем чемпионатында үздік шабуылшы (бомбардир) болып қала береді.

Ойыншының клубпен қазіргі келісімшарты келесі жазға дейін. Transfermarkt интернет-порталының мәліметінше, 39 жастағы футболшының нарықтағы құны 15 миллион еуроға бағаланған.