Қазақстан мен Өзбекстанда университет филиалдары ашылады

Қасым-Жомарт Тоқаев қазақ университеттерінің филиалы Өзбекстанда, ал өзбек университеттерінің филиалы Қазақстанда ашылатынын айтты. 

Бұл туралы Orda.kz хабарлады. 

Екі университеттің өзара филиалдары Өзбекстанның Чирчик қаласында және еліміздің Алматы қаласында ашылады.

«Бүгін Өзбекстанның Чирчик қаласында Мұхтар Әуезов атындағы Оңтүстік Қазақстан мемлекеттік университетінің филиалы ашылды. Ал Алматыда Ташкент ирригация және ауыл шаруашылығын механикаландыру инженерлері институтының филиалы жұмысын бастады. Біз осы оқу орындарын салтанатты түрде бастадық», — деді Қасым-Жомарт Тоқаев Ақордада Шавкат Мирзиёевпен кездесуде. 

Қасым-Жомарт Тоқаев Ақорда резиденциясында Шавкат Мирзиёевпен кездесті. Өзбекстан президенті Астана қаласында мемлекеттік іс-сапармен жүр.