Қаскелеңде үзіліс кезінде аяқ астынан мектеп оқушысы қайтыс болды

Қайғылы оқиға 21 қаңтар күні Қаскелең қаласындағы мектептердің бірінде болды. Жасөспірім 15 жаста еді, деп хабарлайды Orda.kz.

Қарасай аудандық білім бөлімінің мәліметінше, бірінші сабақтан кейін кенеттен баланың жағдайы нашарлаған. Мектеп әкімшілігі жедел түрде медицина қызметкерлерін шақырған. Дәрігерлер келгенге дейін жасөспірімге мектеп қызметкерлері алғашқы көмек көрсетуге тырысқан. Оқиға орнына жеткен медицина мамандары балаға медициналық көмек көрсетіп,  оны аман алып қалуға тырысқанымен оқушы мектеп ішінде көз жұмды.

«Бұл жағдай отбасы, сыныптастары мен мұғалімдер үшін ауыр соққы болды. Қазіргі таңда мектеп тарапынан балалар мен педагогтарға психологиялық көмек көрсетіліп жатыр»,  деп хабарлады білім бөлімі. 

Уәкілетті органдар тексеру жұмыстарын бастады. Жасөспірімнің мәйіті өлімнің нақты себебін анықтау үшін сот-медициналық сараптамаға жіберілді.

Қарасай аудандық білім басқармасында әзірге толық түсініктеме беруге ерте екенін айтты.

«Қазір тексеру жүргізілуде. Толық ақпарат тексеру аяқталғаннан кейін ұсынылады» деп жазылған хабарламада.

Еске салсақ, Шымкентте 21 жастағы жас қыз Нұрайдың шағымын елемей, қызды қорғау бойынша тиісті шаралар қабылдамаған полиция қызметкерлеріне қатысты қылмыстық іс қозғалды.
 

Оқи отырыңыз:

• Түркістан облысында 14 жастағы оқушы 6 жасар қызды зорлап, 10 жылға сотталды
• Kundelik.kz компаниясының басшысы: платформадағы деректер BilimClass-қа заңсыз ауыстырылды
• Қопадағы оқушы өлімі: Кінәлілер түрмеден босап шықты