Қарағандыда ірі есірткі зертханасы жойылды

Қарағанды облысы полиция департаментінің қызметкерлері Қарағанды қаласындағы аудандардың бірінде жұмыс істеген есірткі зертханасын тапты, деп хабарлайды Orda.kz. 

Polisia.kz мәліметінше, саяжай аумағында ақ түсті ұнтақ тәріздес зат толтырылған 6 ағаш бөшке табылды. Бұл зат есірткі жасауға арналған прекурсор екені белгілі болды. 39 жастағы көлік жүргізушісі табылған затты жеке үйге тасымалдамақ болған кезде ұсталды.

 Үйге тінту жүргізу барысында 1 тоннадан астам прекурсор және 10 келіден астам дайын есірткі — альфа-PVP тәркіленді. Сонымен қатар прекурсорлары бар 6 ағаш бөшке, сұйықтығы бар 35 шыны паллет, белгісіз сұйықтық құйылған 33 канистр, ұнтақ тәріздес зат салынған 4 қап, жалпы салмағы шамамен 3 келі болатын альфа-PVP дайын есірткісі салынған 3 вакуумды пакет табылды.