Күндіз автобус айдап, түнде газ станциясында кезекте тұратын шымкенттік жүргізушілердің жанайқайы
![cover](/uploads/orda-poster.jpg)
Миллионнан аса тұрғыны бар Шымкент қаласындағы қоғамдық көліктерге арналған екі бірдей газ құю бекеті артық жүктемемен жұмыс істеуі жолаушылар тасымалы қызметі мен жол қауіпсіздігіне қауіп төндіріп отыр. Автобус жүргізушілері күндіз көлік айдап, түнде бекетте кезек күтетініне наразы.
Былтыр көктемде жолаушылар көлігі және автомобиль жолдары басқармасының басшысы Ержан Жолдасов 2020 жылы сыйымдылығы үлкен, сығымдалған табиғи газбен (метан) жүретін 590 жаңа автобус сатып алынды және газ отынымен қамтамасыз ету мақсатында қосымша газ станциясы ашылды деген. Алайда қазір бұл станцияның жұмысында кемшілік бар, салдарынан жолаушылар тасымалы саласының қатысушылары: жүргізуші де, жолаушы да зиян шегіп отыр. Сағаттап кезек күтуге мәжбүр автобус белгіленген уақытта бағытқа шығып үлгермегендіктен жолаушылар: жұмыс істейтін тұрғындар мен оқушы-студенттер жолынан қалады, барар жерінен кешігеді. Жүргізуші тыңайып үлгермейді. Автобус кестеге сай жүруге асығады, жол ережесі бұзылады. Соңы – жол қозғалысына қатысушы тараптардың өмір қауіпсіздігіне қатер төндіреді.
– Түні бойы кезекте тұрамыз. Кейде кезек 10-15 шақырымға дейін созылып кетеді. Таң атқанша тынығып үлгермейсің. Таңға таяу келсең, жолға түске қарай бір-ақ шығасың. Жолаушылар қайда жүрсіңдер, жұмыстан кешіктік деп айғайлайды. Онысы орынды. Бірақ біз де шарасызбыз. Басшылық пен әкімдік ең күрделі мәселені шешуге асығар емес. Соның кесірінен жүру кестесінен кешігеміз, еңбек уақыты ұзарып, уақытында демалмаймыз, мұның бәрі жол қауіпсіздігіне, денсаулық жағдайымызға әсер етеді, – дейді өзін Дулат Омар деп таныстырған жүргізушінің бірі.
Шымқала миллонер-мегаполиске айналғалы 5 жылға таяды. Ісі мандымаған көшпенді әкімдердің тұсында қоғамдық көліктер мәселесі жүйелі шешімін таппады. 800-ге тарта автобустың 600-ден астамы газбен жүреді. Оған тек екі ғаз құю бекеті қызмет көрсетеді.
Басқарма газ құюға арналған компания мамандары жұмыс істейді дегенімен жүргізушілер мұны терістейді. Олар көбіне таңғы сағат 4.00 кезінен бастап кезекке тұратынын айтады. «Shymkent bus БК» ЖШС-іне тиесілі №19, 21, 52, 92, 96, 113, 158, 158А т.б. бағыттағы автобус жүргізушілері түн қатып түзде кезек күтіп отыратынына шағынды. Мәселенің мән-жайы, жүргізушілердің еңбек жағдайы жөнінде компанияның үш құрылтайшысы («Shymkent әлеуметтік-кәсіпкерлік корпорациясы» АҚ, Азамат Тоғысбаев Нұрланұлы, Бауыржан Тажибеков Пернебекович) және басшысы Азат Қайыпбековпен байланысу мүмкін болмады.
Әр автобусқа газ құюға кемі 15-20 минут кетеді. Басқарма мәселені жылы жауып қоюға үйреніскен тәрізді. Осыған дейін жеке инвесторлардың көмегімен тағы 2-3 станция ашу бастамасы айтылғанымен, қазір іске асар емес. Жергілікті билік автобус жүргізушілері жетіспейтінін алға тартады. Ал мамандар жүргізушіге артылған шамадан тыс жүктеменің кесірінен, еңбек пен жалақының лайықсыздығынан көпшілік қызықпайды дейді.
Шымкент әкімдігінің баспасөз қызметі таратқан ақпаратқа қарағанда, қалада 13 тасымалдаушы компания 80-нен аса елді мекен жолаушыларына 78 бағыт бойынша 800-дей автобус қызмет көрсетеді. Оның басым бөлігі әлеуметтік маңызы бар бағыт ретінде белгіленіп, жергілікті бюджеттің есебінен субсидияланып отыр.
Әкімдік қоғамдық көлік саласын жаңдандырып жатқалы бірнеше жыл болды. Бірақ ең басты істелуі керек автопарк құрамын газдандыру нысандарының мәселесін шеше алмай отыр. Карантин үдеп тұрған шақта жүздеген миллион қаражатты ойын-сауыққа жұмсап, қоғам сынына ұшыраған Әйтенов командасы жолаушылар тасымалына төнген қауіпті қалай қайтарары әлі белгісіз. Газға ауысып жатқан көліктер мен техниканың көбейіп жатқанын ескерсек, алдағы уақытта миллион тұрғынға арналған екі бекеттің түбіндегі кезек ұзармаса, қысқармайтын тәрізді.
Жаңалықтар
- «Ішіндегі іріңмен бір ай жүрген марқұм»: Полиция кінәлі дәрігерлерді ұстамады
- «Халық қаржысын гүлге шашты»: Екібастұз қаласы 2,5 млн теңгені гүл жеткізу қызметіне бермек
- Жасанды интеллектпен жанданған ескі фотолар
- Халықаралық банк еліміздің су жүйесін қаржыландырмақ
- «Қызымның жыныс мүшесіне тиісті»: Зорлықшы әке 20 жылға сотталды
- «LEGO» балалардың денсаулығына үлкен қауіп төндіреді
- Қазақстандықтар рубльден құтылып жатыр
- Абай облысы жылу орталығының 64,2 пайызы тозып кеткен
- Дана Әтешоваға қарсы сот ісі
- «Ғылым академиясы мен Саясат Нұрбектің тартысы»: Назарбаев академик атағынан айырылды ма?
- Шымкентте жаңа мәдениет сарайы бой көтермек
- Енді кез-келген балағат сөзге жаза бар
- Ресейде қазақтың батыр қызы Әлияның есімімен аталған мешіт ашылды
- «Израиль мен Палестина»: 39 мың адам қаза болған соғысқа АҚШ араласа ма?
- 260 мыңдай қайтыс болған адамдардың ақшасы мұрагерсіз тұр
- Тұтынушылар шағымы өсіп келеді
- «Жер дауы»: Аңшылыққа пайдаланған 212 мың гектар жер мемлекетке қайтарылды
- «Ел намысын қорғайтын былғары қолғап шеберлері»: Қазақстан қарсыластары кімдер?
- Қазақстан-Ресей шекарасында көлік қозғалысы қиындауы мүмкін
- «5000 шақырым жүріп өткен ата»: Ақтаудан велосипедпен шығып Парижге жетті