HeadHunter компаниясының басшысы Михаил Жуков қайтыс болды

HeadHunter рекрутингтік компаниясының президенті Михаил Жуков 56 жасында қайтыс болды.

«HeadHunter компаниясы 2008-2022 жылдар аралығындағы бас директор, ал 2023 жылдың наурызынан бері компания президенті болған Михаил Жуковтың қайтыс болғанын қайғырып хабарлайды. HeadHunter және біздің барлық қызметкерлер үшін Михаилдің қазасы орны толмас, мезгілсіз жайт, біз оның отбасы мен барлық  жақындарына көңіл айтамыз» делінген хабарламада. 

Басшылығының алғашқы жылдарында Михаил Жуков HeadHunter-ді Ресейдегі онлайн рекрутинг нарығындағы көшбасшылардың біріне айналдырды, кейінірек әлемдегі жұмыс пен қызметкерлерді іздеу бойына ең ірі үш сайттың бірі атанды, деп хабарлады компания.

Ол осы ұйымда 15 жыл жұмыс істеген.