Генадий Головкин World Boxing президенті атанды

Аты аңызға айналған қазақстандық боксшы Генадий Головкин World Boxing халықаралық федерациясының президенті атанды, деп хабарлайды Orda.kz.

Головкин бұл федерацияның президенті болуға жалғыз үміткер болған еді. Оның қарсыластары Харис Мариолис және Владимир Кличко Головкинге үміткер болудан бас тартты. Осылайша Италияның Рим қаласында өткен дауыс беруде Головкиннен басқа үміткер болмады.

Айта кетейік, World Boxing 2023 жылдың сәуірінде Халықаралық Олимпиада комитеті мен IBA (бұрынғы AIBA) арасындағы қатынастар үзілгеннен кейін құрылған. Ұйымның негізгі мақсаты — бокстың Олимпиада бағдарламасында қалуын қамтамасыз ету және спорттағы басқарудың қоғам алдында ашық болуын қамтамасыз ету.