Газадағы шайқаста 115 сәби қаза тапты

БҰҰ мәліметі бойынша Хамас пен Израиль арасындағы қақтығыс басталғаннан бері Газа секторында 115 сәби қайтыс болған. 48 бала қайтыс болған кезде бір айға толмаған, деп хабарлайды Orda.kz.       

ТАСС агенттігінің хабарлауынша, мұндай статистиканы БҰҰ-ның басып алынған Палестина аумақтарындағы гуманитарлық істерді үйлестіру басқармасы берген.

Баяндамада көрсетілгендей, анклавтың Денсаулық сақтау министрлігі 2024 жылғы 1 тамыздағы жағдай бойынша жеке басы анықталып, құжатталған 32,3 мың қайтыс болғандардың арасында 10,6 мың бала, оның ішінде 663-і бір жасқа дейінгі балалар бар екенін хабарлаған болатын.

2024 жылдың 15 тамызында Дохада Газа секторында атысты тоқтату және кепілге алынғандарды босатуға бағытталған консультациялардың жаңа серпіні басталды.