FlyArystan рейс уақытын өзгертіп, кейін жолаушыны айыппұл төлеуге мәжбүрлеген
FlyArystan әуе компаниясы рейс уақытын төрт сағатқа шегеріп қана қоймай, билет күнін ауыстыру үшін жолаушыдан 188 мың теңге талап еткен, деп хабарлайды Orda.kz.
Қазақстандық азаматша Атыраудан Алматыға ұшуы тиіс рейстің уақыты өзгеріп, жоспарланған кездесуге үлгермей қалғанын айтып, әуе компанияның әрекетіне наразылығын білдірді. Оның айтуынша, ол алты адамға билет алып, алдын ала дәрігерге жазылған. Алайда рейстің уақытын компания өзі өзгерткеніне қарамастан, күнді өзгерту үшін жолаушыдан айыппұл талап етілген.
«Мен алты адамға билет алдым, дәрігерге алдын ала жазылғанмын. Енді рейс уақытының өзгеруіне байланысты дәрігерге үлгермеймін. Күнді ауыстыру үшін 188 мың теңге төлеуім керек екені айтылды. Бұл қалай болғаны? Уақытты өзгерткен сіздер, неге мен айыппұл төлеуім керек?» деп жазды Instagram парақшасында жолаушы.
Сонымен қатар, ол қаңтар айында болған тағы бір оқиғаны еске алды, ол кезде артық жүк үшін 50 мың теңге төлеуге мәжбүр болған. Жаңа багаж рәсімдеуге мүмкіндік берілмеген, тек екі таңдау ұсынылған — не төлеу, не заттарды тастап кету.
FlyArystan компаниясы Orda.kz-ке берген жауабында былай деді:
«2025 жылдың 13 қазанына жоспарланған Атырау – Алматы бағытындағы FS7201 рейсінің ұшу уақыты өндірістік себептерге байланысты 14:40-тан 19:15-ке ауыстырылды. Егер уақыттың өзгеруі бес сағаттан аспаса, билетті қайтару немесе күнін өзгерту тариф шарттарына сәйкес жүзеге асырылады. Толық ақпарат компания сайтындағы «Рейс мәртебесі өзгерген кездегі саясат» бөлімінде көрсетілген».
Жолаушының айтуынша, Pegasus Airlines секілді шетелдік әуе компаниялары мұндай жағдайда үш түрлі нұсқа ұсынады: билет ақшасын қайтару, қайта брондау немесе ашық билет. Ал FlyArystan тек бес сағаттан астам өзгеріс болғанда ғана тегін қайта брондауға мүмкіндік береді.
Бұған дейін Алматы авиациялық прокуратурасы FlyArystan компаниясының duty free дүкенінен сатып алынған тауарларды тегін алып жүруге тыйым салуы заңсыз екенін анықтаған еді. Прокуратураның араласуынан кейін 2025 жылдың 1 қазанынан бастап мұндай тауарларды қол жүгінде алып жүруге рұқсат етілді.
Қазақстандықтар Алматы мен Нью-Йорк арасындағы рейсті бірнеше жылдан бері күтіп отыр, енді Алматы - Нью-Йорк бағыты 2026 жылы тікелей рейс ретінде іске қосылады.
Ал «Эйр Астана» әуе компаниясының Лондон-Алматы бағытындағы алғашқы рейсі 2024 жылы 1 маусымда 8:50-де бортындағы 94 жолаушымен қонды.
Жаңалықтар
- Грузияда халық қайтадан көтеріліп, президент резиденциясына шабуыл жасады
- Алматы облысында полицейлер үйден күштеп шығару кезінде әйелдің қабырғасын сындырды
- Қырғызстанда өлім жазасына кесу мәселесі референдумға шығарылады
- Алматыда мерзімді қызметтегі сарбаз әскери бөлімнің үшінші қабатынан секіріп кетті
- Тоқаев Люксембург герцогын таққа отыруымен құттықтады
- Orda.kz редакциясы «орыстар» тізімінің жариялануына қатысты тергеу жүргізуді талап етеді
- Қытай аспанындағы отты шоу: дрондар көрермендердің үстіне құлап, өрт шықты
- Елімізде 11 қазаннан бастап дүкендерге жаңа ереже енгізіледі
- Шіріген құбырлар Алматының тұтас бір ауданын сусыз қалдырды
- Қазақстанда техникалық байқау тәртібі өзгермейтін болды
- «Робин Гуд»: 6 млн несиені қайтармаған Сариев сотта көз жасына ерік берді
- «Қазтелеком» Орталық Азиядағы екінші ірі AI-кластерді іске қосты
- «Қайратпен» өткен матчтан кейін «Реал» жұлдыздарының бағасы құлады
- Руслан Берденов жаңа лауазымға тағайындалды
- Белгілі жазушы Еркін Жаппасұлы қайтыс болды
- ХАМАС бейбіт жоспар аясында Газа тұтқындарын босатуға дайын екенін мәлімдеді
- Алматыдағы тергеу абақтысында судья қайтыс болды
- «Тозақ отын жаудырамын»: Трамп ХАМАС-қа соғысты тоқтату туралы шарт қойды
- FlyArystan рейс уақытын өзгертіп, кейін жолаушыны айыппұл төлеуге мәжбүрлеген
- Украин дрондары Қазақстан шекарасына жақын орналасқан мұнай өңдеу зауытына соққы жасады
