Енді суық күнде көлік қыздырсаңыз 19660 тенге айыппұл төлейсіз

Сенатор Марат Қожаев үлкен қалалардағы ауаның ластануына байланысты 5 минуттан артық көлік қыздырғандар айыппұл төлейтінін мәлімдеді, деп хабарлайды Orda.kz.

Қожаевтың айтуынша, қазір ауаның ластануы жоғары деңгейде.

«Бұл норма жаңа емес, бұрыннан бері келе жатқан дүние. Алайда бұның барлығы экологияны сақтау үшін істеліп жатқан әрекет. Әсіресе біздің үлкен қалаларымызда ауа тазалығы мәселесі шарықтап тұр. Әрине, айыпты дәлелдеу үшін видео, уақыт сынды дәлелдер керек. Егер бұл орындалатын болса, заң бұзған азамат өз жазасын алады», – деді Марат Қожаев. 

Сөз соңында сенатор бұндай заң тіпті көршілес мемлекеттерде де бар екенін айтты.