Енді Қазақстан сарбаздары швед үстелінен тамақтанады

Қазақстан Қарулы күштері әскери қызметшілерді азық-түлікпен қамтамасыз ету жүйесінде жаңғырту жұмыстарын жүргізуде, деп хабарлайды Orda.kz. 

Енді әскери қызметшілер бірнеше тағам арасынан өз таңдауын жасауға мүмкіндік беретін швед үстелінен тамақтана алады.

Қорғаныс министрлігі мәліметінше, қазіргі таңда әскерлерді тамақтандыруды 40 мыңнан астам әскери қызметшіні қамтитын 23 қызмет көрсетуші қамтамасыз етеді. Оның ішінде мерзімді қызмет сарбаздары, курсанттар мен кадеттер бар. Конкурс нәтижесінде 11 жаңа жеткізуші анықталған. Келісімшарт үш жыл мерзімге жасалып, конкурс рәсімдері толықтай электрондық форматқа ауыстырылады.

Тамақ сапасын арттыру аясында шамамен 300-дей бақылау ұйымдастырылып, аспаздарға арналған оқыту шаралары өткізілген. 

Қорғаныс министрінің тыл және әскери инфрақұрылым жөніндегі орынбасары генерал-майор Алмаз Жұмакеев жаңа тамақтану жүйесіне көшу – әскери қызметшілерді қамтамасыз етудің сапасын арттырудағы принциптік қадам екенін айтты.

Оқи отырыңыз:

• Ақмола облысында әскерден жалтаруға «қажетті диагноз» қоятын қызметкер ұсталды
• Көктемгі әскерге шақыру басталды: 21 мыңнан астам азамат сарбаз атануға міндетті
• Қазақстан Газаға қаржы бөліп, әскер жіберуге қатысады