Дубайдағы бокстан әлем чемпионаты: Қазақстан атынан кімдер қатысады

29 қараша 2025 08:03 Ләззат Сұңқар

Қазақстан бокс федерациясы Халықаралық бокс қауымдастығы (IBA) ұйымдастыратын әлем чемпионатына қатысатын ұлттық құраманың тізімін жариялады, деп хабарлайды Orda.kz.

Турнир 3–13 желтоқсан аралығында Дубайда өтеді.

Қазақстан намысын келесі спортшылар қорғайды:

Теміртас Жүсіпов (48 келі);
Даниял Сабит (51 келі);
Сәкен Бибосынов (54 келі);
Оразбек Асылқұлов (57 келі);
Серік Теміржанов (60 келі);
Ертурған Зейнүлинов (63,5 келі);
Санатәлі Толтаев (67 келі);
Абылайхан Жүсіпов (71 келі);
Сабыржан Аққалықов (75 келі);
Ерасыл Жақпеков (81 келі);
Дәулет Төлемісов (86 келі);
Нұрмагамед Юсупов (92 келі);
Нұрлан Сапарбай (92 келіден жоғары).

View this post on Instagram

Еске салайық, Қазақстан құрамасы бұған дейін Ұлыбританияда өткен бокстан әлем чемпионатында жалпыкомандалық есепте көш бастаған еді. Ливерпульде қазақстандық боксшылар он медаль жеңіп алып, әлемдегі ең мықты командалардың бірі екенін тағы бір дәлелдеді.

Қыркүйек айында Туризм және спорт министрі Ербол Мырзабосынов Ливерпуль қаласында өткен World Boxing тұжырымдамасы аясындағы алғашқы әлем чемпионатында жалпыкомандалық есепте бірінші орын алған Қазақстанның ұлттық бокс құрамасымен кездесіп, спортшыларды марапаттады.

Сонымен қатар Эр-Рияд қаласында өткен Ислам ынтымақтастығы VI ойындарында қазақстандық спортшылар 15 алтын, 20 күміс және 21 қола медальға ие болды.

Жаңалықтар

барлық жаңалықтар