«Денесін өртеп жіберді»: Оңтүстік Корея азаматына тұрмысқа шыққан қазақстандық көз жұмды

Оңтүстік Кореяда бір азаматтың өз әйелінің денесін өртеп жібергені белгілі болды. Кейін бұл әйелдің Қазақстан азаматы екені анықталды, деп хабарлайды Orda.kz. 

Оңтүстік Кореяның Киме қаласында 43 жастағы Қазақстан азаматы 25 мамыр күні таңғы сағат 3 шамасында өз үйінің маңындағы саябақта асылған күйінде табылған. Бұл туралы Серік Ахметжанов есімді азамат әлеуметтік желілерде бейнежазба жариялады.

«Марқұм әйел 2017 жылы Кореяға көшіп келіп, корей ұлтының өкіліне тұрмысқа шыққан. Ерлі-зайыпты заңды некеде болған. Бірақ балалары жоқ. Әйелге F-6 санатындағы (неке арқылы берілетін) виза рәсімделген», – деді Самат Ахметжанов.

Марқұмның денесін таңғы сағат 5-тер шамасында сол маңда жүрген азамат байқап, дереу құқық қорғау органдарына хабарлаған. Полиция мәліметінше, әйелдің денесінде зорлық-зомбылық белгілері болмаған.

«Марқұм әйел мұсылман болған. Күйеуі мұсылмандардың мүрдесін өртеуге болмайтынын біле тұра, кремация жасаған (өртеген). Яғни, отандасымызды жағып жіберген. Бұл жағдай марқұмның туыстары мен қазақ қоғамының наразылығын тудырып отыр»,  – деді Ахметжанов.

Марқұмның денесін Отанына әкелу мәселесі бойынша барлық құжаттарды елшілік әзірлеуге дайын. Елшілік марқұм әйелді бірнеше рет елшілікке шақырған. Ал күйеуі қарсылық танытқан көрінеді.

«Күйеуі осы аптаның соңына дейін, елшілікке келіп әйелінің қайтыс болуы туралы құжатын рәсімдемесе, оның күлін елге жібермесе, оған мәжбүрлі түрде полиция арқылы хат жолданбақ» – деді Самат Ахметжанов.

Полиция бұл оқиғаға қатысты тергеуді толық аяқтағанын хабарлады.