Біле тұра үндемеді: Колледж басшылары бопсалау туралы айтпағаны үшін жазаланды

Бопсалаған студентке бас бостандығын шектеу жазасы тағайындалды. Облыстық прокуратура айтқандай, бәрі Ленинград ауыл шаруашылығы техникумында болған. Үшінші курс студенті бірінші курс студенттерінен ақша бопсалаған. Колледж басшылығы бұл жағдайды білес тұра полицияға хабар бермеген, деп хабарлайды Orda.kz.

Бопсалау туралы прокурорлар студенттер мен әңгімелесу барысында білді. Қылмыстық іс қозғалды. Сот оқушыны екі жылға бас бостандығын шектеу жазасына кесіп, білім мекемесінің басшылары да жазаланды.

«Прокурорлық қадағалау актісі бойынша бұзушылықтар үшін директор мен жауапты қызметкерлер жауапкершілікке тартылды. Мұндай жағдайлар қайталанбауы үшін алдын алу жұмыстарын ұйымдастыру қаралды»,  деп түсіндірді қадағалау органы.

Прокуратура колледж қызметкерлерінің қандай жазаға тартылғанын нақтыламады.