Батыс Қазақстанда мыңнан астам абонент жарықсыз қалды

Облыс орталығы мен Ақсай қаласында ішінара электр қуатына қосу бойынша апатты қалпына келтіру жұмыстары  жүргізілуде. Облыстың төрт ауданындағы Бәйтерек, Қаратөбе, Шыңғырлау және Сырымдағы 14 елді мекен үйлері жарықсыз қалды.

Сонымен қатар, Ақжайық, Сырым, Қаратөбе, Бөрілі, Қазталов аудандары мен Бәйтерек өңірі жолдарында тұрып қалған техникаларды шығару, қар құрсауынан адамдарды құтқару және эвакуациялау бойынша құтқару жұмыстарын жүргізу үшін құтқарушылар 16 рет жолға шықты. 70 адам, оның ішінде екі бала эвакуацияланды. Төрт көлік (екі ауыр жүкті, екі арнайы мақсаттағы көлік) құтқарылып, тазартылған жол учаскелеріне шығарылды.

«Уақытша орналастыру орталықтарына үш адам жеткізілді, оның екеуі Қырғызстан азаматы. Екі жүкті әйел де құтқарылып, құтқарушылар медициналық көмекке мұқтаж екі азаматты емдеу мекемесіне жеткізуге көмектесті» деп хабарлады БҚО әкімдігі.

Ақжайық, Сырым, Казталов, Шыңғырлау аудандарында іздестіру-құтқару жұмыстары жүргізіліп, жұмыс барысында алты адам құтқарылды.