Балқашта «Қазақмыс» қызметкері ұрған балаға қарсы қылмыстық іс қозғалды

Балқашта «Қазақмыс» компаниясының қызметкері ұрып-соққан 8 жастағы балаға қатысты қылмыстық іс қозғалды, деп хабарлайды Orda.kz.

Тергеу мәліметінше, іс ҚР Қылмыстық кодексінің 120-бабы 4-бөлігі «кәмелетке толмағанға қатысты зорлау» бабы бойынша тіркелген.

Бұған дейін Алмас есімді азамат 8 жастағы жиенін ұрып-соққанын мойындаған. Оның айтуынша, ол баланы төрт жасар қызына қатысты «анайы әрекеттері» үшін жазалаған.

Бұл оқиға қоғамда үлкен наразылық туғызып, әлеуметтік желіде кеңінен талқыланып жатыр. Адвокаттар мен құқық қорғау ұйымдары тергеу барысында заң талаптарының толық сақталуын талап етіп отыр.

Еске салсақ, Балқаштағы бұл оқиғаға қатысты күдіктінің жұбайы бейнеүндеу жасап, жұртшылыққа жолдады. Онда ол күйеуінің балаға қол көтеру себебін түсіндіруге тырысқан. Әйелдің айтуынша, жәбірленуші бала — өзінің туған жиені. Анасы оны демалыс кезінде апасының үйіне жиі жіберіп отырған. Шілде айының соңында да бала сол үйде қонақта болған.