Атышулы «Айка» бостандыққа шықты

«Айка» деген атпен танылған Айка Мырзахметова бостандыққа шықты, деп хабарлайды Orda.kz.

Элиталық эскорт қызметін ұйымдастырды деген іс бойынша 6 жыл 5 айға сотталған Мырзахметова жазасын өтеуді екі жылға шегеруге рұқсат алды. Бұл шешім оның кішкентай баласының болуына байланысты қабылданды. Осы кезеңде ол пробациялық бақылауда болады, кейін жазасын өтеуге қайта оралады.

Қылмыстық кодекстің 74-бабы кішкентай балалары бар әйелдерге, егер қылмыс ерекше ауыр санатқа жатпаса, жазаны кейінге қалдыруға мүмкіндік береді. Мырзахметова осы нормаға сүйеніп уақытша бостандыққа шықты.

2024 жылы Алматының Әуезов аудандық соты оны психотроптық заттарды сақтау және тасымалдау, сондай-ақ элиталық жеңгетайлықпен айналысу деректері бойынша кінәлі деп таныған. Оның сыбайласына 3 жыл 8 ай бас бостандығынан айыру жазасы тағайындалған.