Астанада ер адам науқас анасын тұншықтырып өлтірді

Астанада 55 жастағы ер адам науқас анасын тұншықтырып өлтіріп, кейін айналасындағыларды оның өзіне қол жұмсағанына сендіруге тырысқан. Сот оған 11 жыл бас бостандығынан айыру жазасын берді, деп хабарлайды Orda.kz.

2025 жылдың шілдесінде Сергей Овсянников жедел жәрдем шақырып, анасының жағдайы нашарлап кеткенін айтқан. Оқиға орнына келген дәрігерлер қарт әйелдің қайтыс болғанын тіркеді. Үйдегі жағдайдан оның ұзақ уақыт бойы ауырғаны және төсектен тұрмайтыны белгілі болған. Марқұмның мойнынан гематомалар табылып, өлімнің себебі тұншығу екені анықталды.

Қайтыс болған әйелдің ұлы анасының ауруына байланысты өзін ұстай алмай, сүлгімен асылып қалмақ болғанын, бірақ өзі дер кезінде құтқарып үлгергенін айтқан.

Алайда көптеген куәгерлер, соның ішінде көршілері мен таныстары, мүлде басқа ақпарат берген. Олардың айтуынша, Овсянников еш жерде жұмыс істемеген, анасының зейнетақысымен күн көрген, ішімдік ішкен, жиі жанжал шығарып, аулада әйелдер мен балаларға қол көтерген. Сонымен қатар, төсектен тұрмай жатқан анасын да мезгіл-мезгіл соққыға жыққан.

Осы мән-жайларды және жүргізілген сараптамаларды ескере отырып, сот Сергей Овсянниковты кісі өлтіру бойынша кінәлі деп танып, 11 жылға бас бостандығынан айырды. Үкім заңды күшіне енген жоқ.

Оқи отырыңыз:

• Сот залында айыпталушының анасы өзін-өзі өртемек болды: Адам ағзасын саудалаған қылмыстық топқа сот үкім шығарды
• Конституциялық сот судьяларын президенттің ұсынуымен парламент бекітетін болады