Астанада Бауыржан Момышұлының алып портреті жасалды

Астанада 600 бала Бауыржан Момышұлының алып портретін жасады, деп хабарлайды Orda.kz. 

Астанада Жеңіс күніне және Халық қаһарманы Бауыржан Момышұлының туғанына 115 жыл толуына орай алып портрет-фотомозаика жасалды. Бұл патриоттық іс-шараға өнер үйірмелерінен 600-ден астам бала қатысты. 

Астана әкімдігінің мәліметінше, мозаика 2736 шаршы метр аумақты алып жатыр. Ұзындығы – 70, ені - 32 метр. 

Жоба батырдың құрметіне жасалған ең үлкен балалар фотомозайкасы ретінде дүниежүзілік рекордтар кітабына тіркеуге жіберілді. Рекорд расталған жағдайда барлық қатысушылар атаулы сертификат пен мен медальға ие болады.

Айта кетейік, бұған дейін «Наурыз» мерекесі қарсаңында Бауыржан Момышұлы ауылындағы көкпар ойыны кезінде көкпаршылар шу шығарғаны үшін жазаланған еді.