Астана мектептерінде қашықтан оқыту мен маска режимі енгізілді ме?

Қыс мезігілінің басталу мерзіміне қатысты ауру көбейіп, кейбір мектептерде маска режимі енгізілгенін хабарлап жатыр. Таратылған хабарламада жекелеген сыныптар уақытша онлайн оқытуға ауыстырылғаны айтылған. Orda.kz осы мәлімдеменің мән-жайын анықтады.       

Мектеп чаттарында сынып жетекшілерінен «қатаң маска режимі» жұмыс істей бастағаны туралы хабарламалар тарады.

«Балалар мектепке қатаң түрде бетперде киіп келуі тиіс. Ата-аналарға мектепке бетпердесіз кіруге тыйым салынады» деп жазылған таратылған хабарламада. 

Таратылған ақпаратта бірқатар оқу орындарында ауырған балалар саны көбейіп кеткені айтылған.

Мектептерде санитарлық шаралар күшейтіліп, жекелеген сыныптар уақытша онлайн-оқытуға ауыстырылды ма? Біз бұл жөнінде Астана қаласының  білім басқармасынан сұрап білдік. 

Дегенмен Астана қаласы білім басқармасының мәліметіне сүйенсек, мектептерде маска режимі енгізілмеген, алайда бұқаралық іс-шаралар өткізуге уақытша тыйым салынған.

 «Қаланың білім беру ұйымдарында оқу процесі штаттық режимде жалғасуда. Маска режимі енгізілмеген. Мектептер ішінде кабинет жүйесі сақталуда, бұқаралық іс-шараларды өткізуге уақытша тыйым салынды»,  деп хабарлады басқарма. 

Біз оқу жылының басында жаңа оқу жылында Алматыда 22,5 мың оқушыға арналған 12 жаңа мектеп ашылатыны туралы жаздық.

Алматының Бостандық ауданында жаңадан бой көтерген №224 мектеп есігін ашпай жатып-ақ қоғам назарын өзіне аударды. Қаладағы ең ірі әрі заманауи білім ордасы болатын мектепте ата-аналар арасында қай тілде дәріс беру керек екені жайлы дау туды. Бір тарап білім аралас екі тілде де берілуі тиіс десе, екінші тарап тек қазақ тілінде ашылуын талап етті.