Қарағандыда белсендіні тапсырыспен өлтіргендер тергелуде
Қарағандыда «тапсырыспен кісі өлтіру» туралы резонанстық іс қаралуда. Өз ауданында өзекті мәселелерді көтерген қоғам қайраткері Ғалы Бақтыбаевты атып өлтіргені үшін төрт адам сотталады. Олардың арасында бұрынғы қылмыскерлер, бұрынғы полиция қызметкері және кәсіпкер бар.
Қауіп - қатер, шабуыл және атыс
Қарағанды облысының Атасу кентінде 59 жастағы қоғам қайраткері және белсенді Ғалы Бақтыбаевты өлтіру оқиғасы екі жыл бұрын – 2019 жылдың 28 мамырына қараған түні болды. Бақтыбаев кешке қонақтан оралғанда оны аулада жұбайы қарсы алады. Әйелі қақпаны ашып, үйге кіре бергенде оларға оқ атылды. Кейінірек белгілі болғандай, қылмыскер алдын-ала аулаға жасырынып, Ғалының келуін тосқан.
Сарапшылар анықтағандай, 16 калибрлі мылтықтан екі оқ атылған. Оқ бөлшектері барлық жерде шашырап жатты. Белсенді алған жарақатынан оқиға орнында қайтыс болды. Дегенмен қылмыскер оның аулаға жүгіріп шыққан әйеліне қол тигізбеген. Тергеушілер қылмыскердің мақсаты — тек Ғалыны өлтіру болғанына сенімді.
Марқұмның туыстары әрдайым шындық үшін күрескен Ғалының қоғамдық қызметінің салдары осындай қайғылы жағдайға әкелетінін сезген. Отбасындағы қорқыныш күннен-күнге арта түскен, оған себеп: үйдің терезелері шағылған, ауладағы жарықшам сындырылған, оның атына ескерту хаттар жазылған.
Осы оқиғадан үш ай бұрын, бір күні кешке бетперде киіп, қолдарына темір ұстаған екі адам оның үйінің ауласына баса көктеп кірген. Ғалы көмір жинап жатқандықтан, шабуылдаушыларды бірден байқамайды. Осы сәтті пайдаланып, олар Ғалының бетіне газ шашып, қолдарындағы темірмен ұра бастайды. Әйелі мен ұлы басбұзарларды тоқтатуға тырысқан.
— Олар Ғалыны қатты соқының астына алды. Оның денесі қан болды. Біз полиция шақырдық. Олар келді. Бірақ нәтиже болған жоқ. Егер олар сол кезде ұсталса, мүмкін күйеуім тірі болар еді, – деді сотта Ғалының әйелі Рабиға.
Сол кезде белсендінің аяқтары мен омыртқасы қатты жарақаттанған. Соққыға жыққандар табылмады. Осы оқиғадан кейін де Бақтыбаев қорықпай, әділдік үшін күресін жалғастыра берген.
Тергеушілер қылмыскерлердің Бақтыбаевтың өліміне қатысын дәлелдеді. Күдіктілер осы ауылдың төрт тұрғыны болып шықты. Олар 2019 жылдың жазында ұсталды. Бұл оқиға үлкен шу тудырып, тергеуге Қарағандыдан және басқа аймақтардан мамандар тартылды.
ҰЗАҚҚА СОЗЫЛҒАН СОТ
Бұл іс бойынша алқабилердің қатысуымен сот ісі 2020 жылдың мамыр айында басталса да, осы күнге дейін жалғасуда. Күдіктілер қылмыстық кодекстің бірнеше бабымен — Ғалы Бақтыбаевты ұрып-соғу және өлтіру фактісі бойынша айыпталуда.
Қазір сот оларды тергеп жатыр. Тергеу мәліметтері бойынша, бұрын бұзақылық пен қарақшылық үшін сотталған 29 жастағы ер адам — орындаушы деп танылды. Ол осы «тапсырыс» үшін миллион теңге алған.
Белгілі болғандай, Ғалының өлімі болған түнде жергілікті полиция оны тергеуге алған. Бірақ, таңертең оны босатып, үйіне жібереді. Ол бірден Ақмола облысына кетіп қалады. Бірақ көп ұзамай, жергілікті тұрғынды өлтірді деген айыппен ұсталады. Жауап алу барысында ол Ғалы Бақтыбаевты өлтіру бойынша айғақтар береді. Қазіргі өтіп жатқан іс бойынша қылмысты ұйымдастырушы ретінде тапсырыс берушілердің есімдерін атады. Бірақ сот процесі барысында оның қоғам белсендісінің өліміне қатыстылығы жоққа шығарыла бастады.
— Менің басыма пакет кигізіп, не айту керектігін түсіндірді. Полиция қызметкерлері егер мен кісі өлтіруді өз мойныма алсам, бұл «абайсызда өлтіру болады, сені түрмеге жібермейміз» деп сендірді. Мен келісіп, істемеген қылмысыма түсініктеме бердім, - деді айыпталушы.
Оған кісі өлтіруден бөлек бұзақылық, Бақтыбаевты ұрып-соғу, травматикалық қаруды заңсыз сақтау/алып жүру және Ақмола облысының тұрғынын өлтіруге оқталу айыптары тағылды. Бұл іс бойынша басты күдіктімен бірге тағы бір жас жігіт сұралуда.
Тергеушілер кісі өлтіру мен оны ұрып-соғуды аудандық полиция бөлімінің бұрынғы басшысы және жергілікті кәсіпкер ұйымдастырды деп отыр.
Авторы: Юлия Дакимова
Аударған: Мұхит Тұрсынәлі
Жаңалықтар
- ЕАЭО елдері арасында Қазақстанның инфляция деңгейі ең жоғары
- Бишімбаевтың ісі: Қазақстанның бас заңгері адвокаттарды дауласпауға шақырады
- Қазақстан, Қытай және Ресей құны 7,7 миллиард доллар болатын полиэтилен өндіру жобасын іске қосады
- Тәжікстанда сиқыршылар мен емшілер жазаланады
- Семейде 62 жастағы зейнеткер саунада сутенер болып жұмыс істеді
- Атырауда тасқыннан қорғайтын бекіністі тонағандар ұсталды
- «Алматы Су» басшысының орынбасары мен Қызылорда облысындағы департаменттердің бірінің басшысы ұсталды
- Мұнай бағасы төмендеді
- Израиль Ирандағы нысанға зымыранмен шабуыл жасады
- АҚШ пен Ұлыбритания Израильге шабуыл жасағаны үшін Иранға қарсы санкциялар салды
- Ресейдегі су тасқыны: Қорған маңындағы Тобыл өзенінің су деңгейі он метрге көтерілді
- Қырғызстан президенті Қазақстанға іс-сапармен келді
- Бишімбаев сотқа телефонының құпиясөзін беруден бас тартты
- Адвокаттың сұрағы Бишімбаевты тығырыққа тіреді
- Мамырдағы демалыстарға қатысты қол қойылды
- Президент Қасым-Жомарт Тоқаев Саха Республикасының басшысы Айсен Николаевты қабылдады
- Енді қазақстандықтар Тайландқа визасыз бара алады
- Тимур Құлыбаев су тасқыны салдарын жоюға 30 млрд бөлді
- «Оларды кім қорғап жүр?»: депутат су қоймаларының иелері туралы айтты
- Мәжіліс БАҚ туралы заң жобасын қабылдады