Алматы-Тараз тас жолында екі жүк көлігі соқтығысты

«Батыс Еуропа-Батыс Қытай» автожолының 408-ші шақырымында екі жүк көлігі жол апатына ұшырады, деп хабарлайды Orda.kz.

Жамбыл облысы ПД мәліметінше, «SHACMAN SX 4250» жүргізушісі ілеспе бағытта келе жатқан «ГАЗ 3307» жүк көлігін қағып кеткен. Салдарынан «SHACMAN» жүргізушісі рөлге ие бола алмай, жол қоршауына соғылып, қарсы жолаққа шығып аударылған. Жүргізуші Т.Рысқұлов ауданының орталық ауруханасына жеткізілді. Басқа зардап шеккендер жоқ. 

Айта кетейік, 13-14 қыркүйекке қараған түні Қазақстанда алдын ала мәлімет бойынша 15 адамның өмірін қиған екі ауыр жол-көлік оқиғасы болды.