Алматы қаласының туристік ақпарат орталығы Ресейдің NTV телеарнасындағы «Поедем, поедим!» бағдарламасының экскурсиясы мен түсіріліміне шамамен 5 млн теңге бөледі.

Бұл туралы Orda.kz хабарлады.

Салық төлеушілердің ақшасы қайда кетті?

Ресейлік «Поедем, поедим!» телебағдарламасында сөз болатын оңтүстік астананың жарнамасына.

Алматы билігі түсірілім тобы үшін мыналарды сатып алады:

  • Мәскеу – Алматы – Мәскеу бағыты бойынша алты әуе билеті;
  • төрт-бес жұлдызды қонақ үйден бөлмелер ұсыну;
  • барлық түсірілім уақытында Алматы мен Алматы облысында жүруге ыңғайлы, заманауи шағын автобуспен қамтамасыз ету.

Түсірілім тобына орыс және қазақ тілдерін білетін және актерлік білімі бар гидтер қосылады.

Сондай-ақ, «аэропорт-отель-аэропорт» маршруты бойынша шығарып салушы-күтіп алушы ұсынылады. Туристік орындарда суретке түсуге және барлық нысандарға баруға рұқсат беріледі.

Қазірдің өзінде Ресейлік НТВ телеарнасының мұрағатында 2015 жылы түсірілген «Поедем, поедим!» бағдарламасы бар.

Бөлісіңіз: