Алаяқ аула сыпырушының атына несие рәсімдеген

Астанада аула сыпырушының телефонын сұрап алған алаяқ оған онлайн-несие рәсімдеген, деп хабарлайды Orda.kz. 

ІІМ-нің мәліметінше, алаяқ жәбірленушінің жанына келіп, интернеттегі алаяқтықтың жиі кездесетін жағдайлары туралы айтып, сеніміне кірген. Әңгіме барысында алаяқ несие тарихын жақсартып беретінін айтқан.

Телефонын алғаннан кейін аула сыпырушының атына несие рәсімдеп, ақшаны өзіне аударым жасап, кетіп қалған. Қала тұрғыны өзінің алаяқтың құрбаны болғанын несиені төлеу қажеттілігі туралы хабарлама алған кезде ғана білген. 

34 жастағы ер адам күдікті деп танылды. Аталған факті бойынша қылмыстық іс қозғалды.