Ақтөбе облысында мектеп оқушысының мәйіті табылды

2 қыркүйек күні Ақтөбе облысының Темір ауданындағы Кеңесту ауылында мектеп оқушысы қаза болды деп хабарлайды Orda.kz.

Полиция департаменті мен облыстық прокуратура бұл туралы әлі ресми ақпарат бермеді.

«Диапазон» басылымының мәліметінше, жанжал барысында Копин орта мектебінің 9-сынып оқушысы өлтірілген.

Қайғылы оқиға сабақтан тыс уақытта, түнде орын алған. Ақтөбе облыстық білім басқармасының басшысы Жайық Сұлтанның айтуынша, бұл факті бойынша тергеу амалдары жүргізіліп жатыр.

Қайтыс болған бала мен күдіктінің отбасылары әлеуметтік тұрғыдан қамтамасыз етілген, есепте тұрған жоқ.

3 қыркүйекте білім басқармасының жұмыс тобы ауылға барып, мектепте балалар арасындағы тәртіпті күшейту, олардың қауіпсіздігін қамтамасыз ету және буллингтің алдын алу шараларын жүргізді. 

Қазір құзырлы органдардан қосымша ақпарат сұрастырдық.