АҚШ-та мектептегі хоккей матчында атыс болды: Үш адам оққа ұшты

Атыс АҚШ-тың Потакет қаласындағы Lynch Arena аренасында хоккей матчы кезінде болған. 3 адам қаза тапты. Олардың арасында күдікті де бар, деп хабарлайды Orda.kz WPRI-TV телеарнасына сілтеме жасап. 

Алдын ала мәліметтер бойынша, түлектердің бірінің әкесі басқа оқушының отбасына оқ атқан. Бір әйел оқиға орнында қаза тапты. Ауыр жарақат алған тағы бір адам ауруханада көз жұмды. Үш оқушы жараланған. Полицейлердің мәліметінше, шабуыл жасаған адам кейін өзіне қол жұмсаған. 

Қала полициясы атыс отбасылық жанжалдың салдарынан болған деп мәлімдеді. Зардап шеккендердің есімдері әзірге жарияланбады. Олардың ауруханаға ауыр хәлде жеткізілгені белгілі.

Қала мэрі Don Grebien «Біз құрбандар мен осы қайғылы оқиғадан зардап шеккендердің барлығы үшін дұға етеміз» деді. 

Оқи отырыңыз:

• Тоқаев АҚШ елшісі Джули Стаффтпен кездесті
• Трамп Венесуэлаға АҚШ-тың «бағыттан адастырғыш» қару қолданғанын мойындады
• АҚШ өз азаматтарын шұғыл түрде Венесуэладан кетуге үндеп жатыр