«Air Astana» ұшағында төрт шетелдік араққа сылқия тойып алып төбелесті

«Air Astana» әуе компаниясының Алматы – Бангкок рейсінде шетелдіктер араққа сылқия тойып алып, жаға жыртысты, деп хабарлайды Orda.kz.

Оқиға 13 желтоқсанда Алматы қаласында «Air Astana» әуе компаниясының Бангкокқа бағытталған рейсінде болды. Ішімдікке мас болған жолаушылар арасында жанжал шығып, олар артынша төбелесіп кеткен. 

Көліктегі полицияның желілік бөлімінің қызметкерлері рейстен төрт шетел азаматын түсірді. Олардың екеуі ұсталып, уақытша ұстау изоляторына қамалды. Мәліметке сәйкес, рейс бір сағатқа кешігіп, төбелес шығарған азаматтарды қалдырып, Таиландқа ұшып кетті.

Оқиғадан кейін әуе кемесінің бортында жасалған бұзақылық дерегі бойынша қылмыстық іс қозғалғаны хабарланды.