Адвокат бұрынғы актрисаның үйін тартып алды

Алматыдағы Ғабит Мүсірепов атындағы театрда ұзақ жылдар бойы қызмет етіп, зейнетке шыққан Айымторы Тайғаринова баспанасыз қалды.

Бұл туралы Airan youtube-арнасы хабарлайды.

86 дағы актриса Айымторы Тайғаринованың үйін адвокат құжатқа қол қойғызып, тартып алды. Ол 7 жылдан бері қарттар үйін паналап жүр.

«Үйімізді алып қойды. Мен жалғыз өзім далада қалдым. Үйімде адвокат жігіт пәтер жалдап тұрды. Ол пәтерақы ретінде әр ай сайын 30 мың беріп тұратын. Кейін қағазға 30 мың теңге алып отырғанымды жазуды сұрады. Мен жазып бердім. Кейін пәтерім қолды болды. Ол не істегенін, қалай жасағанын білмеймін. Ол әлгі үйді сатып алғандай болған ғой», - деді Айымторы Тайғаринова.