«180 млн теңге»: ақпараттық материалды БАҚ-та жариялауда заңсыздықтар анықталды

Ақпараттық материалды БАҚ бетіне орналастыру заңсыз қымбаттаған, деп хабарлайды Orda.kz.

Мәдениет және ақпарат министрлігі бұқаралық ақпарат құралдарында мемлекеттік ақпараттық саясат жүргізу үшін сатып алынатын қызметтердің базалық бағаларын бекіткен. Мысалы, ақпараттық материалды газетке орналастыру бағасы (1 шаршы см үшін) 400 теңге, интернет-ресурстарда орналастыру үшін (1 таңба үшін) 38 теңге, теледидарда бір минут үшін 39 500 теңге болды.

Бұл ретте облыстың Ақпарат және қоғамдық даму басқармасы аталған қызметтерді жоғары бағамен сатып алып отырған. 

Мысалы, газеттерде орналастырған үшін құны 3,5 есе (бағасы 1447 теңге), интернет-ресурстарда 7 есе (270 теңге), теледидарда 16 есе (633 862 теңге) қымбаттатылған.