15 жастағы қыз жалдамалы пәтерде босанып, нәрестені кіреберіске тастап кетті

Қырғызстанның Манас қаласындағы бір үйдің кіреберісінен жаңа туған нәресте табылды. Полиция нәрестенің анасы 15 жастағы қыз екенін мәлімдеді, деп хабарлайды Orda.kz. 

Жалал-Абад облысының ішкі істер бөліміне нәрестенің табылғаны туралы 8 қазан күні хабар келіп түскен. 15 жастағы қыз уақытша пәтер жалдап, сол үйде босанған. Кейін нәрестені жалдаған үйдің кіреберісіне қалдырып кеткен. Тергеу органдары болған оқиғаның барлық мән-жайларын анықтап жатыр. 

Денсаулық сақтау министрлігі баланың уақытына жетіп туылғанын хабарлады. Қазір ана мен нәресте перзентханаға орналастырылды. Дәрігерлер олардың жағдайы жақсы екенін айтты.

Айта кетейік, 28 қыркүйек күні Қарағандыда мектеп жанынан әйелдің мәйіті табылды.