Жетісу облысында құтқарушы қызмет барысында қаза тапты

Жетісу облысында құтқару операциясы кезінде өрт сөндіру бөлімінің қарауыл бастығы қаза тапты. Қайғылы оқиға Панфилов ауданында орналасқан Алтынкөл көлінде болған, деп хабарлайды Orda.kz. 

Жетісу облысы ТЖД мәліметінше, 7 наурызда Атамекен ауылдық округіндегі Алтынкөл көлінде балық аулап жүрген адам мұз жарылып, көлге құлап кеткені туралы хабар түскен. Оқиға орнына Жетісу облысы ТЖД күштері, Жаркент қаласындағы №11 өрт сөндіру бөлімінің қызметкерлері, Талдықорған қаласынан жедел-құтқару жасағы, сондай-ақ ҚР ТЖМ «Барыс» республикалық құтқару қызметі мен Алматы облысы ТЖД құтқарушылары жедел түрде жіберілген.

Алайда құтқару жұмыстары барысында мұз қайтадан жарылған. 

Дамир Таранов 1994 жылдың 28 маусымында дүниеге келген. Ол 2016 жылдан бастап өртке қарсы қызмет органдарында еңбек етіп, Панфилов ауданы мен Қапшағай қаласындағы өрт сөндіру бөлімдерінде жауапты қызметтер атқарған. Соңғы жылдары ол Панфилов ауданындағы №11 өрт сөндіру бөлімінде қызмет атқарып, білікті басшы ретінде көзге түскен.

Оқи отырыңыз:

• Жетісу облысында екі полицей қызмет барысында қаза тапты
• 30 жыл керек болмаған лауазым: Қазақстанға вице-президент не үшін керек?