Жаңаөзен қаласында көлік апатынан 2 адам қаза тауып, 5 ауыр жарақат алды

18 қаңтар күні түнде Жаңаөзен қаласында жеңіл автокөлік пен өрт сөндіретін көлік соқтығысып, 2 адам қаза тапты, деп хабарлайды Orda.kz.

Қақтығыс салдарынан өрт сөндіру көлігі жеке үйдің қоршауына соғылған.

Оқиғадан 2 адам қаза тауып, 5 адам ауыр жарақат алды, оның 3-еуі өрт сөндіру қызметкері. Барлығы медициналық мекемелерге жеткізіліп, қажетті емін алып жатыр.

Жол-көлік оқиғасы бойынша сотқа дейінгі тергеу басталды,  оқиғаның мән-жайы мен себептері әлі де анықталады. Аталған істі Маңғыстау облысы Полиция департаменті басшылығы өз бақылауында ұстап отыр.

Еске сала кетейік, Шешен Республикасының басшысы Рамзан Қадыров ұлының ауыр жол-көлік оқиғасында зардап шеккені туралы сыбысты жоққа шығарып,  Адам Қадыровқа тағы бір марапат табыс етілгенін мәлімдеді.