Жамбыл облысының шаруа қожалығы үкіметке үндеу жолдады

Жамбыл облысы, Жамбыл ауданындағы «Байелі болыс» шаруа қожалығының төрағасы Facebook әлеуметтік желісіндегі парақшасында Премьер-Министрге үндеу жолдады, деп хабарлайды Orda.kz порталы.

«Мемлекет басшысы жыл сайынғы Жолдауларында су тапшылығына байланысты және әбден тозығы жеткен инфроқұрылым жайлы өзіңіз басқарып отырған Үкімет пен жергілікті әкімдерге нақты міндет жүктеп келді. 

Мына қарама-қайшылықты қараңыз. Былтыр еліміздің бірқатар өңірінде қуаңшылық орын алып, Жамбыл облысының 6 ауданында қуаңшылық салдарынан төтенше жағдай жарияланды. Сонша дүрлігетіндей көктен ылғал түспей қалған жоқ, су қоймаларының да кенезесі кеуіп қалмады. Президент айтқан су жүйелерінің ескіріп, тоз-тозы шығуының салдары мен білікті су шарушылығы мамандарының жоқтығы осындай күйге жеткізді. Осы мәселені, әлеуметтік желіде қанша көтердім, түрлі деңгейдегі биліктен бірде-бір басшы кері байланысқа шықпады. 

Ал биыл Наурыз мерекесінде еліміздің батыс және солтүстік өңірлерін қарғын су алды. Бүгінде 10 облысқа топан су жайылды. 

Әрине, сын сағатта мемлекет тарапынан көрсетіліп жатқан көмекті көріп отырмыз. Әр облыстың тұрғындары да көмек қолын созуда, бауырлас мемлекеттерден де гуманитарлық көмек келуде.

Президент су тасқыны салдарынан қалыптасқан ауыр жағдайға байланысты Үндеуінде:

Шаруа Кеңес үкіметінің кезінде Тараз қаласындағы гидромеларативтік-құрылыс институтының даңқы асқақтап, білікті мамандар даярлағанын тілге тиек етеді. 

Ж.Нұрбаевтың айтуынша, институтты жеке дербес жоғары оқу орны етіп ашу тіпті де қиын емес. Оқу корпусы, базасы жетеді. Тіпті, оқытушыларды да сырттан шақыртудың қажеті жоқ. Тараз қаласындағы Қазақ су шаруашылығы ғылыми-зерттеу институының қызметкерлерін тартуға болады. Кез келген ғылыми қызметкер ақысын төлесе, лекциясын оқып кетеді.

«Құрметті Олжас Абайұлы! Қарапайым шаруа адамының ұсынысын қабыл алсаңыз, жылдық оқу ақысын төлесе болды, дипломды оңды-солды тарата беретін кейбір жоғары оқу орындарына қарағанда су шарушылығының мамандарын даярлайтын институттың немесе университтеттің бе мемлекет үшін пайдасы зор болмақ. 

Бұл өзекті мәселені бүгіннен қолға алып, жаңа да, дербес жоғары оқу орны биылғы оқу жылында бірінші курсқа білімгерлерді қабылдаса Мемлекет басшысы тапсырмасының бірі әрі бірегейі орындалғаны» деп жазбасын түйіндейді шаруа.