Жамбыл облысында әріптесіне оқ атқан полицей ұсталды

Жамбыл облысында 16 қараша күні патрульдеу кезінде қызметтік көлікте полицей қаруды дұрыс қолданбай, әріптесінің арқасына оқ тиіп, жарақат алды, деп хабарлайды Orda.kz.

Полиция департаменті Orda.kz-ке оқиғаны растады.

«Оқиға қарумен дұрыс жұмыс істемеу салдарынан болған. Жарақат алған полицей шұғыл түрде Қордай аудандық ауруханасына жеткізіліп, оған ота жасалды. Қазіргі уақытта ол жансақтау бөлімінде жатыр.
Кінәлі қызметкерге қатысты ауыр зардаптарға әкелген немқұрайдылық фактісі бойынша қылмыстық іс қозғалды. Оқиғаның барлық мән-жайын анықтау үшін полиция қызметтік тергеу жұмыстарын бастады»,  деп хабарлады полиция басқармасы. 

Ал Қордай аудандық ауруханасы зардап шеккеннің жағдайы ауыр, бірақ тұрақты екенін растады.