Павлодар облысының әкімі ажырасып кеткен әйелінің атына электронды цифрлық қолтаңба аштырамын деп жұмыстан кетті.
Бұл туралы Orda.kz ақапараттық порталы «Астана» арнасына сілтеме жасап хабарлады.
Павлодар өңірінің шенеунігі Мұрат Абулхалықов Ақсу қаласы әкімінің міндетін атқарған. Ол бұрынғы әйелінің рұқсатынсыз оның жеке мәліметтерін пайдаланып, ЭЦҚ аштырған. Әйеліне СМС хабарлама келген соң, ол шу көтерген.
Осы үшін жұмысынан айрылған шенеуніктің өзімен бірге тұрмайтын адамның атына не үшін ЭЦҚ аштырғаны белгісіз. Ол Ақсу қалалық халыққа қызмет көрсету орталығының басшысына әйелінің баламен үйде отырғандығы туралы өтірік айтқан. Сөйтіп оны бөтен адамға цифрлы қолтаңба аштыруға көндірген.
— ҚР мемлекеттік қызмет істер агенттігінің Павлодар облысы бойынша департаментімен Ақсу қаласы әкімі аппаратының басшысы Мұқановқа қатысты қызметтік тергеп тексеру жүргізілді. Қызметтік тексеру қорытындысы бойынша әдеп жөніндегі кеңестің кезекті отырысына шығарылып, әдеп жөніндегі кеңестің шешімімен Ақсу қаласы әкімінің аппарат басшысы Мұқановқа ескерту түріндегі тәртіптік жаза енгізу туралы ұсыныс енгізілді, – дейді ҚР мемлекеттік қызмет істері агенттігі Павлодар облысы бойынша департаментінің бас маманы Руслан Мұқанов.
Басшылардың тәртібін қараған аймақтың әдеп жөніндегі кеңес Ақсу қалалық халыққа қызмет көрсету орталығының басшысын жұмыстан босатты. Ал Ақсу қаласы әкімінің міндетін атқарушы Мұрат Абулхалықов өз еркімен қызметінен кетті.
