Зеленский Украинаның Қазақстандағы елшісін қызметінен босатты

Украина президенті Владимир Зеленский Украинаның Қазақстандағы елшісін қызметінен босату туралы жарлыққа қол қойды. Бұл туралы Украина президентінің ресми сайтында хабарланды.

Бұған дейін Украина билігі елшіні ауыстыруға ниетті екенін мәлімдеген болатын. Қазақстанның Сыртқы істер министрлігі оны кері қайтарып алу туралы келісімге келгендерін хабарлады. Украина Сыртқы істер министрлігінен Астанаға жаңа елші тағайындау туралы өтініш түсті.

Еске салсақ, Украинаның Қазақстандағы елшісі Петр Врублевский украиндықтар «мүмкіндігінше көп ресейліктерді өлтіруге тырысыңдар» деген үндеу тастаған. Шетелдік дипломаттың бұл мәлімдемесіне Қазақстан халқы Ассамблеясында түсініктеме берді. Бұл туралы Ресей Сыртқы істер министрлігінің ресми өкілі Мария Захарова да айтты.

2022 жылы 23 тамызда ҚР Сыртқы істер министрлігінде Сыртқы істер министрінің орынбасары Ермұхамбет Қоныспаев Украинаның ҚР Елшісі Петр Врублевскиймен кездесті. Кездесу барысында елшіге 21 тамызда қазақстандық блогер Диас Құзайыровқа берген сұхбатында айтқан сөздеріне байланысты наразылық айтылды. Қазақстандық тарап мұндай мәлімдемелерге шет мемлекет елшісінің қызметінде жол берілмейтіндігі және сәйкес келмейтіндігі туралы ұстанымын білдірді. Мұндай әрекеттер мемлекеттер арасындағы достық қарым-қатынасқа нұқсан келтірмеуі керек, деп хабарлайды ҚР СІМ.