Зеленский бейбітшілік жоспарының 20 тармағын атады

Украина президенті Владимир Зеленский журналистерге арналған брифингте АҚШ-пен соңғы күндері өткен келіссөздер қорытындысы бойынша соғысты тоқтатуға бағытталған америкалық жоспардың мазмұнын егжей-тегжейлі түсіндірді. Зеленский бейбітшілік жоспарының барлық 20 тармағын атап өтті, деп хабарлайды Orda.kz. 

Олар:

1. Украинаның егемендігін растау.
   2. Ресей мен Украина арасындағы шабуыл жасамау туралы келісім, соқтығысу сызығын бақылау.
   3. Украинаның қауіпсіздік кепілдіктері.
   4. Украина армиясының саны 800 мың адаммен шектеледі.
   5. АҚШ, НАТО және Еуропа НАТО Жарғысының бесінші бабына сай Украинаға қауіпсіздік кепілдігін береді. Ал егер Ресей Украинаға басып кірсе, «әскери жауап болады» және санкциялар жаңартылады.
   6. Ресей барлық қажетті заңдарда Еуропа мен Украинаға қарсы шабуыл жасамау саясатын бекітеді.
   7. Украина белгілі бір уақытта ЕО мүшесі болады. 
   8. Жеке инвестициялық келісімде анықталған Украина үшін жаһандық даму пакеті ашылады. 
   9. Украинаны қалпына келтіру мәселелерін шешу үшін қорлар құру көзделеді.
   10. Украина АҚШ-пен еркін сауда туралы келісім жасау процесін жеделдетеді.
   11. Украинаның ядросыз мәртебесі.
   12. Запорожье атом электр станциясы Украина, Ресей және АҚШ-тың бірлескен басқаруына беріледі. Алайда Зеленский Украина бұл нұсқаны қолдамайтынын, тек Украина мен АҚШ-тың ортақ басқаруына ғана келісетінін айтты.
   13. Украина мен Ресей әртүрлі мәдениеттерді тануға, нәсілшілдік пен алалаушылықты жоятын білім беру бағдарламаларын енгізуге міндеттеледі. 
   14. Днепропетровск, Сумы, Харьков және Николаев облыстары аумағынан Ресей өз әскерін толық шығаруы тиіс.   
   15. Болашақ аумақтық келісімдер келісілгеннен кейін Ресей мен Украина бұл келісімдерді күшпен өзгертпеуге міндеттеледі. 
   16. Ресей Украинаға Днепр өзені мен Қара теңізді пайдалануға кедергі болмайды. 
   17. Барлық тұтқындармен алмасу. Балалар мен саяси тұтқындарды қайтару.
   18. Украина келісімге қол қойылғаннан кейін сайлауды мүмкіндігінше тезірек өткізуі керек.
   19. Осы келісім заңды түрде міндетті болады. Оның орындалуын Трамп бастаған бейбітшілік кеңесі бақылайды.
   20. Барлық тараптар осы келісіммен келіскеннен кейін атысты толық тоқтату дереу күшіне енеді.