Қазақстандағы орташа зейнетақы мөлшері аталды

Еңбек және халықты әлеуметтік қорғау министрлігінің мәліметінше, жыл басынан бері қазақстандықтар 1,3 триллион теңгеден астам зейнетақы алды.

Бұл туралы Orda.kz хабарлайды.

2021 жылдың қаңтар айынан маусымға дейін базалық зейнетақыны төлеуге – 410,8 миллиардтан астам теңге, ынтымақтастық зейнетақы төлемдерін төлеуге республикалық бюджеттен - 928,9 миллиард теңге бөлінді.

2021 жылы маусымда республикалық бюджеттен зейнетақы төлемдеріне 222,3 млрд.теңгеден астам қаражат бөлінді, оның 68,2 млрд.теңгесі базалық зейнетақы төлеуге, ал 154,1 млрд.теңгесі ынтымақты зейнетақыға бөлінді.

– Зейнетақы төлемдерінің орташа мөлшері (базалық зейнетақы төлемдерін ескере отырып) 2021 жылдың 1 шілдесінде 99 898 теңгені құрады, деп атап өтті департамент.

2021 жылдың 1 шілдесіндегі жағдай бойынша зейнеткерлер саны 2 миллион 239 мың адамды құрады.

Мемлекеттік базалық зейнетақы төлемі 2018 жылдың 1 шілдесінен бастап әрбір алушыға оның зейнетақы жүйесіндегі жұмыс стажын ескере отырып, жеке тағайындалады.