Қызметкеріне қол көтерген полицей жұмыстан босатылды

Алматы қаласы Наурызбай ауданы полиция бастығының орынбасары, полиция майоры Қанат Жақыпбаев қызметкеріне қол көтергені үшін қызметінен босатылды.

Бұл туралы Orda.kz хабарлады.

Полиция департаментінің Ішкі қауіпсіздік басқармасы тәртіптік комиссиясымен бірге қызметтік тексеру жүргізді және нәтижесінде майор Жақыпбаевты «қызметтік этиканы өрескел бұзды» деп жұмыстан шығарды.

Еске салсақ, бұған дейін Жақыпбаевқа қарамағындағыларды ұрды, ал криминалдық полиция бөлімінің орынбасары Ерлік Тұрымбетовке Жақыпбаевпен сыбайлас болды деген айып тағылған.

Әлеуметтік желілерде полиция киімін киген ер адам азаматтық киімді адамнан қашып бара жатқаны бейнеленген видео тарады.

Тұрымбетовтің жұмыстан босатылғаны туралы әлі хабарланған жоқ.