WhatsApp-та хабарлама жазатын орын өзгереді

WhatsApp-тағы чат жолағына (chat bar) Liquid Glass деп аталатын жаңа визуалды дизайн енгізіледі. Бұл интерфейс алғаш рет Apple ұсынған iOS 26 жүйесіндегі жаңа графикалық стильге негізделген, деп хабарлайды Orda.kz WhatsApp-тың бета-нұсқалары туралы ақпарат тарататын бейресми сайтқа сілтеме жасап.

Бұған дейін Liquid Glass элементтері WhatsApp Business қолданбасында сынақтан өткен. Кейбір пайдаланушылар негізгі навигация бөліктерінде жаңартылған батырмалар, қайта жасалған мәзірлер пайда болғанын хабарлаған.

Чат жолағында қандай өзгеріс болады?

Қазіргі чат жолағы экранның төменгі бөлігіне жабысып тұрған классикалық панель түрінде көрінеді. Енді ол «қалқып тұрғандай» болып көрінеді. Мөлдір, әйнекке ұқсас фон болады. Артқы фонды динамикалық түрде анық көрсетеді. Батырмалар визуалды түрде бөлек көрсетіледі.

Қашан қолжетімді болады?

WhatsApp-тың әлі ресми түрде шықпаған жаңа функцияларын зерттеп, жариялайтын WABetaInfo  сайты әзірге бұл функция әзірлеу кезеңінде екенін жазды. Толық іске қосу мерзімі жарияланбаған. WhatsApp кезең-кезеңімен тарату стратегиясын қолданады. Алдымен шектеулі бета-тестілеушілер өзгерістерді тексереді. Кейін ғана барлық пайдаланушыларға қолжетімді болады.

Оқи отырыңыз:

• Телефон қуаттағыш жарылды: Америкалық ұшақ шұғыл қонуға мәжбүр болды
• Тоқаев Питер Фостермен АҚШ-қа тікелей әуе қатынасын ашу мәселесін талқылады