Владимир Зеленский: Соғысты келесі жылы дипломатиялық жолмен тоқтату керек

Украина президенті Владимир Зеленский сенбі күні  келесі жылы Ресеймен соғысты «дипломатиялық жолмен» тоқтатқысы келетінін айтты, деп хабарлайды Orda.kz «Америка дауысына» сілтеме жасап.

Зеленскийдің мәлімдемесі оның соғыстың «ерте» аяқталуы туралы сөйлеген сөзінен кейін және Германия канцлері Олаф Шольцтың Ресей президенті Владимир Путинмен телефон арқылы сөйлескенінен бір күн өткен соң жасалды.

Бұл Путиннің Батыс елдерінің  ресми басшысымен екі жылдан бергі алғашқы сұхбаты болды. Киев бұл қоңырауға қарсылық білдірді.

«Біз өз тарапымыздан дипломатиялық құралдар арқылы соғыстың келесі жылы аяқталуын қамтамасыз ету үшін барлығын жасауымыз керек.. Бұл өте маңызды», - деді Владимир Зеленский Украина радиосына.