Үкімет маусымаралық кезеңдегі азық-түлік бағасын реттейді

3 желтоқсанда Қазақстан Республикасы Премьер-Министрінің орынбасары – Сауда және интеграция министрі Серік Жұманғарин әлеуметтік маңызы бар азық-түлік тауарлары бағасын тұрақтандыру мәселелері бойынша кеңес өткізді, деп хабарлайды primeminister.kz.

Отырысқа қатысушылар 2022 жылдың желтоқсанында және 2023 жылдың көктемінде бағаның күрт өсуін тежеу ​​үшін қабылданып жатқан жедел шаралардың толық кешенін қарастырды. Делдалдарды анықтау және баға тізбегін талдау бойынша өңірлік комиссиялардың жұмысына үлкен рөл беріледі. Бірақ бұл комиссия нәтижелерінен әзірге көп нәрсе күтуге болмайды.

— Негізгі азық-түлік тауарларын өткізудегі делдалдық схемаларды тексеру бойынша өңірлік комиссиялардың жұмысы бей-берекет жүргізілуде, қараша айында жалпы небары 25 отырыс өтті. Бұл ретте өткен айда  Астанада, Түркістанда, Қызылорда, Қарағанды, Шығыс Қазақстан, Алматы облыстарында бірде-бір отырыс өткен жоқ.  Тиісінше, олардың жұмысының нәтижесі жоқ: соңғы аптада бағаның ең көп өсуі Алматы облысында – МВТП санатындағы 6 өнім бойынша (күріш, сүзбе, тұз, тауық еті, айран 2,5 пайызға май, 1-ші санатты жұмыртқа ) барлығы 0,7 пайызға өсу  байқалды. Астана қаласында - 0,5 пайызға (1-ші сортты ұн, 1-ші сортты ұннан жасалған нан, сәбіз, пияз, қант) өсті. Сауда комитеті «Орал» құс фабрикасындағы жұмыртқаны сатып алып, тауар бағасынан асырып сатумен айналысатын тұлғалардың тауарлық үстеме нормадан асып кету фактілерін анықтады. Мұндай жағдайлар басқа өңірлерде де анықталған, - деді Сауда комитеті төрағасының міндетін атқарушы Айдар Әбілдабеков.

Ауыл шаруашылығы вице-министрі Жеңіс Өсербай тұрақтандыру қорларының жұмысына қатысты жаңа тәсілдердің үш кезеңімен таныстырды. Статистикалық мәліметтерге сәйкес, биылғы жылы азық-түлік инфляциясына негізгі әсер қант (2022 жылдың 11 айында 71,9 пайыз),  жемістер мен көкөністер (2022 жылғы мамыр-шілде) бағасының күрт өсуі болды. Жаңа тәсілдер басқалармен қатар маусымаралық кезеңде көкөніс бағасының күрт өсуіне жол бермеуге және келесі маусымға дайындық кезінде негізгі азық-түлік тауарларын өндірушілерді қолжетімді қаржыландыруға бағытталған.

• Бірінші кезең – жемістер мен көкөністерді сатып алу (2022 жылғы 25 қарашадан бастап жарамды), 2023 жылғы күзгі егінді жинауды қаржыландыру (2023 жылғы 1 ақпанға дейін), одан кейін жыл сайын ағымдағы қаржы жылының 1 қыркүйегіне дейін – күзгі егінді жинауды қаржыландыру.
• Екінші кезең – қарақұмық, күріш, күнбағыс майын өңдеушілер арқылы шикізатты форвардтық сатып алу (2023 жылғы 1 наурыздан бастап), қант өндірушілерге айналым қаражатын бөлу (2022 жылғы қазаннан бастап күшіне енеді).
• Үшінші кезең – ұн, сиыр еті, құс еті, макарон өнімдері, нан, сүт және сүт өнімдері, жұмыртқа (2023 жылдың 1 маусымынан бастап тетіктері пысықталуда). Өндірушілер тарапынан барлық үш кезеңдегі қарсы міндеттемелер олардың өнімдерінің бағасын белгілеу болады.

— Демалыс күндеріндегі жәрмеңкелерді қайта жандандыру, тұрғындардың қажетті тауарларды артық үстемеақысыз және делдалдарсыз сатып алуына жағдай жасау қажет. Мен өңірлерге аптасына кемінде үш рет делдалдық схемалар мен баға түзу тізбегін тексеру үшін өңірлік комиссиялардың отырысын өткізуді тапсырдым. Соның нәтижесінде қазір Сауда комитеті олардың қызметін қол режимінде сүйемелдеуде. Көзге көрініп тұрған барлық бұзушылықтар, көтерме және бөлшек бағаларды салыстыру жеткілікті. Өңірлік комиссиялар өздерінің негізгі функцияларын орындамай отыр, міне, осы жерде жеделдік пен уақыт керек. Өз кезегінде Ауыл шаруашылығы министрлігі тұрақтандыру қорларының жұмысын қайта форматтау жұмыстарын жалғастыруы қажет, - деп түйіндеді жиынды Серік Жұманғарин.