Түркістан облысында бес жасар бала канал суына батып кетті

Түркістан облысы Келес ауданы Біртілек ауылында бес жасар бала канал суына батып, қаза тапты.

Төтенше жағдайлар департаментінің мәліметінше, бала 16 наурызда үйден сағат 15:00 шамасында шығып, оралмаған. Куәгерлердің айтуынша, суару каналы маңынан баланың аяқ киімі табылған.

Жоғалған баланы іздестіру жұмыстарына облыстық төтенше жағдайлар департаменті, жергілікті атқарушы орган мен полиция өкілдерінен құралған жалпы саны 93 адам және 4 техника жұмылдырылған.

Кеше, 17 наурызда сағат 16:40-та құтқарушылар баланың мәйітін оның үйінен екі шақырым қашықтықтағы канал суынан тапты.