Тоқаев Үлкенде салынатын АЭС атауына конкурс жасауды ұсынды

11 тамыз күні Ақордада Тоқаев мектеп оқушылары мен халықаралық олимпиада жеңімпаздарымен кездесіп, сол жерде АЭС атауына конкурс жариялайтынын мәлімдеді, деп хабарлайды Orda.kz.

Ол АЭС-тың салынуына ресми түрде басталғанын еске салып, оның жай ғана энергетика нысаны емес, ғылыми-техникалық прогрестің жарқын символы екенін айтты.

«Әзірше бұл нысанның атауы жоқ. Елімізде бірінші болғандықтан, үздік атауға республикалық байқау жариялауға болады деп ойлаймын», – деді Тоқаев. 

Айта кетейік, 8 тамызда Алматы облысы Үлкен ауылында еліміздегі алғашқы атом электр станциясының құрылысына арналған инженерлік-іздестіру жұмыстары ресми түрде басталды.

БАҚ өкілдеріне АЭС-тың құрылысының жалпы құны 14-15 млрд екені айтылды.