Тоғыз отбасы жалдамалы тұрғын үйден шығарылды

Жезқазғандағы тоғыз отбасы жалдамалы тұрғын үйден шығарылады. Пәтерлерді бюджеттік сала қызметкерлері алды. Бірақ прокурордың тексеруі тұрғын үйдің оларға заңсыз берілгендігін анықтады.

Бұған тұрғын үй комиссиясының қателігі себеп болды.

Қайрат Әбсаттаров, Жезқазған қаласының әкімі:

 - Иә, комиссия өз уақытында қателескен. Сонымен бірге бұл адамдарға пәтерлер берілді. Бірақ олар басқа бағдарламаны ұстанды. Бағдарлама бұл жерде бірінші рет жүзеге асырылуда.

Тұрғын үй комиссиясының хатшысына сөгіс жарияланды. Бірақ бұл тұрғындар үшін жағдайды жеңілдетпейді.

Ұлтуған Әжібекова, Жезқазған қаласының тұрғыны:

 - Сот отырысында әкімдіктің адвокаты қазір қалада бюджеттік қызметкерлерге арналған бағдарламалар бойынша тұрғын үй салынбай жатқанын айтты. Бізді баспанамен қамтамасыз етуге мүмкіндік жоқ. Олар бізді бұл үйде қалдыра алмайды. Бұл біздің кінәміз емес. Бұл пәтерлерге біз қомақты ақша салдық.

Жергілікті билік адамдарды көшеде қалдырмаймыз деп сендіріп, көктемге дейін нақтылайтындықтарын айтты.