Тоқаев сегіз министрліктің жауапты хатшыларын қызметінен босатуға бұйрық берді

Қазақстан Президенті Қасым-Жомарт Тоқаевтың бұйрығымен жауапты хатшылар институтының таратылуына байланысты төмендегілер босатылды:

Жанат Қожахметов - Қазақстан Республикасы Ақпараттық және әлеуметтік даму министрлігінің жауапты хатшысы қызметінен;

Марат Оразаев - Қазақстан Республикасы Ауыл шаруашылығы министрлігінің жауапты хатшысы қызметінен;

Қанат Сәрсембаев - Қазақстан Республикасы Білім және ғылым министрлігінің жауапты хатшысы қызметінен;

Аида Құрманғалиева - Қазақстан Республикасы Еңбек және халықты әлеуметтік қорғау министрлігінің жауапты хатшысы қызметінен;

Айдын Ашуев - Қазақстан Республикасы Қаржы министрлігінің жауапты хатшысы қызметінен;

Жәнібек Нүпіров - Қазақстан Республикасы Сауда және интеграция министрлігінің жауапты хатшысы қызметінен;

Арман Жұмабеков - Қазақстан Республикасы Ұлттық экономика министрлігінің жауапты хатшысы қызметінен;

Талғат Момышев - Қазақстан Республикасы Энергетика министрлігінің жауапты хатшысы қызметінен.

2020 жылдың 1 қыркүйегінде парламент палаталарының бірлескен отырысында мемлекет басшысы Қасым-Жомарт Тоқаев министрліктердегі жауапты хатшылар институтын жою туралы бұйрық берді.

Кейбір министрліктердің жауапты хатшылары қазірдің өзінде жаңа қызметтер алды. Мәселен, 2020 жылдың қазан айында Сыртқы істер министрлігінің бұрынғы жауапты хатшысы Әркен Өтенов Қазақстан Республикасы Стратегиялық жоспарлау және реформалар агенттігі төрағасының орынбасары болып тағайындалды. Мәдениет және спорт министрлігінің бұрынғы жауапты хатшысы Бақытжан Темірболат 2021 жылы 15 қаңтарда Қазақстан Республикасының Тұңғыш Президенті - Елбасы кітапханасының директоры болды.