Су тасқынынан зардап шеккен Орал тұрғыны әкімнен өтемақы өндірді

Су тасқынынан зардап шегіп, әкім баспана бермеген Орал қаласының тұрғыны әкімшілік сотқа шағым түсірді. Әкім Орал тұрғынына өтемақы төлеуге келісті,  деп хабарлайды Orda.kz  сайты Мой город басылымына сілтеме жасап.

Батыс Қазақстан сотының баспасөз қызметі хабарлағандай, су тасқыны кезінде зардап шеккен ер адам қала және облыс әкімдіктеріне оның үйін тұруға жарамсыз деп танып, баспанамен қамтамасыз етуді сұрап арызданған. Алайда ол бас тартылғаны туралы жауап алды.

Сот талқылауы барысында судья тараптарды медиациялық келісімге келуге шақырды. Талапкер талап арыздан бас тартты, ал Орал қаласы әкімінің атынан жауапкер оған 2,2 миллион теңге шығын сомасын 1 наурызға дейін өтеуге міндеттенді. Мамандар су тасқынынан зардап шеккен азаматтың мүлкін осылай бағалаған.