Стамбұл әуежайында түрік актрисасы Ханде Эрчел ұсталды

cover Фото: Habertürk.

Есірткі қолданды деген күдікке байланысты түрік телехикаяларының жұлдызы Ханде Эрчел Стамбұл әуежайында ұсталды, деп хабарлайды Orda.kz.

Habertürk мәліметінше, бұған дейін Ханде Эрчелге қатысты ұстау туралы ордер берілгені хабарланған. Актриса Түркияға оралғаннан кейін бірден Стамбұл сотына жеткізіліп, тергеу аясында жауап берген. Одан кейін ол сот-медициналық сараптамадан өтіп, қан мен шаш үлгілерін тапсырған. Кейін актриса босатылды

«Мен 13 жылға жуық уақыттан бері экран алдында жүрмін. Маған қарап бой түзейтін аудитория бар екенін білетіндіктен, өмір салтыма әрдайым мұқият қарадым. Түнгі өмір деген менде жоқ, өмірімде ешқашан есірткі қолданған емеспін», — деді Ханде.

Бұл істі Стамбұлдың Бас прокуратурасы жүргізіп жатыр. Іс бойынша Ханде Эрчелдің бұрынғы сүйіктісі Хакан Сабанджы, Фикрет Орман, Бурак Йылмаз, Дидем Сойдан, Гюзиде Дуран және басқа да белгілі тұлғалар бар. Прокуратура әзірге істің толық мән-жайын жариялаған жоқ. Қазір іс тергеу және дәлелдерді жинау сатысында.

Оқи отырыңыз:

Жаңалықтар

барлық жаңалықтар