Сорбұлақта жоғалған тікұшақты іздеуге қорғаныс министрі келді

Жоғалған тікұшақты іздеуге Сорбұлақтағы штабқа қорғаныс министрі келді, деп хабарлайды Orda.kz.

Бүгін Сорбұлаққа қорғаныс министрі Дәурен Қосанов келді. Министр іздеу-құтқару жұмыстары барысын бақылап, қазір экипаждың тағдырын анықтау және олардың туыстарына қолдау көрсету басты міндет екенін айтты.

Фото: қорғаныс министрлігі

Еске сала кетейік, Алматы облысында 25 шілдеде радардан жоғалған әскери тікұшақты іздеу жұмыстары бірнеше күннен бері жалғасып жатыр.

Тікұшақ үш адамнан тұратын экипажымен қоса байланыссыз кеткеннен кейін, келесі күні Сорбұлақ қоймасының бетінде майлы дақ байқалды. Көп ұзамай әуе көлігінің бөлшектері де табылды. Қазір оларды сәйкестендіру жұмыстары жүргізіліп жатыр.

Оқиға орнында жедел штаб құрылып, мамандар жоғалған тікұшақтың ұшу бағытын және құлау ықтималдығын зерттеп жатыр. Әзірге табылған бөлшектердің  жоғалған EC-145 тікұшағына тиесілі екенін нақты айту мүмкін емес.